कूर्म स्तोत्रम् | Kurma Stotram | Kurma Puran | Kurma Jayanti @Mere Krishna <br /><br /> #kurma #कूर्म #नारायण #narayan #stotram #stotra <br /><br />कूर्मस्तोत्रम् <br /><br />सूत उवाच ।<br />एतावदुक्त्वा भगवान् विरराम जनार्दनः ।<br />तुष्टुवुर्मुनयो विष्णुं शक्रेण सह माधवम् ॥ १॥<br /><br />मुनयः ऊचुः ।<br />नमस्ते कूर्मरूपाय विष्णवे परमात्मने ।<br />नारायणाय विश्वाय वासुदेवाय ते नमः ॥ २॥<br /><br />नमो नमस्ते कृष्णाय गोविन्दाय नमो नमः ।<br />माधवाय नमस्तुभ्यं नमो यज्ञेश्वराय च ॥ ३॥<br /><br />सहस्रशिरसे तुभ्यं सहस्राक्षाय ते नमः ।<br />नमः सहस्रहस्ताय सहस्रचरणाय च ॥ ४॥<br /><br />ॐ नमो ज्ञानरूपाय परमात्मस्वरूपिणे ।<br />आनन्दाय नमस्तुभ्यं मायातीताय ते नमः ॥ ५॥<br /><br />नमो गूढशरीराय निर्गुणाय नमोऽस्तु ते ।<br />पुरुषाय पुराणाय सत्तामात्रस्वरूपिणे ॥ ६॥<br /><br />नमः साङ्ख्याय योगाय केवलाय नमोऽस्तु ते ।<br />धर्मज्ञानाधिगम्याय निष्कलाय नमोऽस्तु ते ॥ ७॥<br /><br />नमस्ते व्योमरूपाय महायोगेश्वराय च ।<br />परावराणां प्रभवे वेदवेद्याय ते नमः ॥ ८॥<br /><br />नमो बुद्धाय शुद्धाय नमो युक्ताय हेतवे ।<br />नमो नमो नमस्तुभ्यं मायिने वेधसे नमः ॥ ९॥<br /><br />नमोऽस्तु ते वराहाय नारसिंहाय ते नमः ।<br />वामनाय नमस्तुभ्यं हृषीकेशाय ते नमः ॥ १०॥<br /><br />स्वर्गापवर्गदात्रे च नमोऽप्रतिहतात्मने ।<br />नमो योगाधिगम्याय योगिने योगदायिने ॥ ११॥<br /><br />देवानां पतये तुभ्यं देवार्त्तिशमनाय ते ।<br />भगवंस्त्वत्प्रसादेन सर्वसंसारनाशनम् ॥ १२॥<br /><br />अस्माभिर्विदितं ज्ञानं यज्ज्ञात्वामृतमश्नुते ।<br />श्रुतास्तु विविधा धर्मा वंशा मन्वन्तराणि च ॥ १३॥<br /><br />सर्गश्च प्रतिसर्गश्च ब्रह्माण्डस्यास्य विस्तरः ।<br />त्वं हि सर्वजगत्साक्षी विश्वो नारायणः परः ॥ १४॥<br /><br />त्रातुमर्हस्यनन्तात्मा त्वामेव शरणं गताः ।<br /><br />इति कूर्मपुराणे उत्तरभागे षट्चत्वारिंशाध्यायान्तर्गतं<br />मुनिभिः कृतं कूर्मस्तोत्रं समाप्तम्
